 | | |
| | |
|
Spaces home  ┭潮爆小象象┮PhotosProfileFriendsMore |  Tools   |
|
┭潮爆小象象┮永遠有一個吻未嘗,有些燭光未燃亮...
December 26 聖誕節...聖誕節結束鳥.今年聖誕過得好平靜,冷靜咁係學校渡過,學校有人放烟花,有人放孔明燈,好熱鬧喔.但係,我始終感受唔到聖誕果份氣氛,不過都要多謝今年唯一嘅聖誕禮物,雙飛同學嘅浮誇格仔象象包,希望我用十足超級無敵嘅勇氣將來戴住距出街.haha...
休息咗咁多日,聽日終于開始上課咯,係我地唯一嘅法文專業課,希望我聽得明啦,嘻...
December 24 終于開始凍咯...昨天是冬至,可惜我一點也感受不到冬至的感覺.突然今天才發現,冬天似乎現在才開始來臨.夜晚出去陪家人吃飯,看住毛毛細雨,個口噴氣會見到D白色嘅霧,我知道的確天氣開始凍鳥...我插住件外套的袋,圍巾在我條頸溫暖住我,但總係覺得個心少緊D嘢,突然覺得有些許嘅感傷... 明天就係平安夜,一唸起,個心又開始有D怪怪嘅感覺...
December 19 最後嘅希望...尋日終于忙完學院自己搞嘅招聘會,雖然組織我冇份參與,但唔知點解一樣覺得好累咁...鑒于之前去過外面變態嘅招聘會,兩個鐘都唔知排唔排到一家企業,今次難得咁少人當然就要多投幾份簡歷咯,所以一口氣投咗8間,haha,面試嘅感覺都唔錯,希望總有一間會要我啦...
呢個真係最後比較大嘅揾工機會咯,保佑保佑...
December 17 轉載嘅文章...今晚,偶然看到一個師弟嘅Q-ZONE有一篇文章唔錯,轉載轉載,hahaha...
要抱要吻要怎摸也好其实我也很小朋友的 大家都咁鍾意一峰,果然都有共鳴...或者文章嘅意思亦都係我嘅心聲吧... 我也只是個小朋友而已...
December 16 告一段落...終于都告一段落咯.上星期日日比D法國老師轟炸,差D命都冇,聽又難,看得明距地寫果D衰過新疆文嘅法文就更係難難難.真係未試過讓個腦如此高速咁長時間運轉,死咗唔少腦細胞呢...上咗咁多日,妳話聽得明幾多嘛,大概都係五十五十咁咯.不過事後呢兩日冷靜翻唸下教咗D咩呢,似乎又冇乜印象,看來事後嘅補救工程將十分嚴峻...接下來呢個禮拜雖然冇法國老師來上課,但係依然有D變態嘅中方考查考試(媽的開題報告!我靠!!!)and學院搞嘅招聘會(揾工最後希望!),希望一切順順利利吧...
天,請繼續保佑小象吧,謝...
December 10 他們打到來...終于他們來鳥,終于都打到來鳥,本周是一場戰鬥,一場中國人与法國人嘅硬戰...今日上咗成日法文課,首先好多聽唔明,距地寫嘅法文更加看唔明,聽到一舊云咁@_@,之後仲有4日熬,有兩日仲係早上8點半上到夜晚9點添,希望我能支持到,至少唔好訓教...bon courage!!!
December 06 雜...期末考終于來鳥,大四終于快结束鳥,法國老師終于來鳥...
前排好不容易讓我忘記嘅畢業氣息呢排又翻翻來,見到1月中嘅考試時間表,去咗幾次好黑人憎嘅招聘會,見到下星期法國老師過來上課密密麻麻嘅課表,見到果堆(冇錯,的確係堆!)做及都做唔完嘅作業,心入面好複雜好攰...
噢噢噢,真他媽的想離開廣州,離開這個地方出去透透氣,起碼聖誕果排唔好比我留係度,因爲我唔知點過,真係唔知,唉...
December 02 懶...最近不知是天氣的原因還是什麽,懶鳥很多,本來很多開心的事想寫係度都一拖再拖.所以下面作個簡單記錄...
上星期六.賺咗錢終于有機會比我揮霍,某人說得對,要對自己好D,所以吃咗美心芒果脆脆蛋糕同久違嘅冰鎮XD...
星期2.去鳥場招聘會,MD多人,見到大家排隊的畫面,終于明白擴招嘅威力有幾大.結果一份都冇投到,轉了1個小時就回去鳥.那一刻,真係有小小想去法國嘅衝動,或者是逃避,或者是爲了進修一下自己再回來吧...
P.S.最近D作業真係多到想死!下個星期一定要赶晒出來,唔係10號D法國佬來上課就完全冇時間做咯!神,我望能有三頭六臂...
November 23 困惑...係未清楚自己需要"性"定係"愛"之前,我唔想拍拖...最近腦內不斷盤旋住呢句說話,或者這也是最近自己的心聲吧.一直很想把它寫在QQ簽名度,但係怕好大迴響,所以都係係度發下牢騷算鳥...對自己來講,好多嘢越來越迷,已經冇咗一開始嘅果種憧憬咯,所以我覺得有必要搞清楚呢個問題再决定去唔去拍拖... 大前日,終于鼓起勇氣与某人落了酒吧,果然大開眼界,邊喝住嘢邊好奇咁到處看,恐怕某人會以爲我在看那些吸引眼球嘅東西吧,可惜不是,真的不是...我只係爲某人与他的某人的親密行爲感到甜蜜,令我心好羡慕好唔舒服,我想這才是我一直所追求的吧.希望以後我也有機會那樣... 酒吧里,沒有Disco的勁歌,也沒二手烟的氣味,只有暗暗的燈光和聊天的大家,這種感覺很好,我很喜歡...
November 18 自殘嘅兩日...長隆歡樂世界,果然係一個自殘嘅好地方!!!...呢兩日都去咗長隆帶團,人地比錢去玩,我地就去玩仲有錢收,很爽的說XD.其實之前都去過兩次,不過因爲冇人陪,所以乜都冇玩到,今次等于等齊成班fan一齊去帶團,爽啊...重點推介,U型滑板+超級大擺錘,自從3年前係海洋公園玩完跳樓機驚嚇完后覺得人生突然豁達咗,今次玩完呢兩個之後,人生真係豁達到不得了,特別係U型滑板!!!...人啊,活在世上真不容易,小事以後就別多計較了,豁達點吧XD...
最後結論:人何苦要自己折磨自己呢...
November 14 越來越近...呢幾日已經確切feel到畢業離我唔遠,尋日已經開始同畢業論文指導老師見面,接下鳥一堆任務,選題.寫開題報告.揾資料,仲要準備法文個考試,忙住準備簡歷參加招聘會,好忙,真係好忙,希望我熬得住...
November 11 光棍節...11月11日,光棍節,一個以爲永遠都唔會同我有任何關係嘅節日,但今日先發現原來事實幷非如此...今天渡過鳥平靜嘅一日,囬來嘅路上,平時唔會顯示嘅公車報站器都不停咁係到show出今日係11月11日,唔知係我特別留意定點,反正呢4個1顯得特別礙眼与討厭...
路,還是要繼續走下去...
人,還是繼續在等待...
November 05 正裝日...今日,是正裝日,因爲starwood酒店集團過來開宣講會招人,全級都穿正裝的感覺很特別,今日象象也穿得帥氣帥氣的,人生中最斯文嘅一日XD...晚上,象嫂用photoshop整咗張今日影嘅相嘎合成圖,感動呢...
今日值得紀念... October 30 感情...尋晚又聽到個朋友話同女朋友散咗,又係三年,又係同出國有關,唉,雖然唔關我事,但難免令我唸翻起一D唔開心嘅回憶...分手真係一件挺折磨人的事情,真係唔想再見到身邊嘅朋友失戀,因爲我知道呢種感覺唔好受...前排莫名發現身邊有幾個男性朋友好緊張自己果一半,做出一D好難用正常思維去唸嘅行爲,突然發覺原來這個世界上對感情上心用心嘅唔只得象象一個...感情這東西嘛,我該怎麽說妳好呢?!...
P.S.今個禮拜本來忙到死,因爲D法國聯軍開始襲擊我地,晚晚要上課到9點,點知尋日突然通知話法國航空罷工,D老師來唔到喔,呢個世界真係無奇不有,唔到最後一分鐘真係唔知會發生乜事啊XD...
October 25 再去HK...突然,好突然,尋日同前日突然逃課去咗HK,上星期去係爲公事,今次就係爲私事la,就係去大出血la...感覺雖然去咗兩日,但總有种仿如隔世嘅感覺,三年前嘅回憶同現在嘅經歷碰撞埋一起,有種好奇妙嘅feel...今次買咗D正裝,準備見工用嘎,都幾斯文嘎,帥氣啊XD,仲有買咗其他正常會買嘅嘢啦當然,今次都出得比較多血,看來接下來的日子要省一點鳥...
HK,果然係一個充滿回憶嘅地方... October 21 燒烤日...今日同班新生去咗學校附近燒烤,好耐冇燒咯,呢D天氣最適合燒烤啦XD.仲踩埋雙人and三人單車,爆好玩又爆累.玩完回來,看見桌面果堆未做的作業突然覺得好頭痛,有些空虛嘅感覺><'...
能一直玩下去麽?...
October 19 再去香港...前日去鳥香港,不過今次唔係去玩去買也,而係去實習參觀香港會展中心同D展覽...足足3年冇去HK咯,3年之後再去好多嘢都唔同晒,還記得3年前去的時候身邊陪同的人現在也不在我身邊咯,突然好多畫面又擁翻出來,心裡面總有些怪怪的感覺,但是我又能怎樣呢?!...說回主題,這次的參觀真係見識唔少,香港深圳東莞三個地方嘅會展中心都參觀過,對比之下,的確學到唔少嘢XD...今次最大的收穫應該不是那些,是學會咗玩殺手游戲,真係超好玩,可惜我次次唔做平民嘅時候都不自主咁緊張,所以比人發現咗,唉,真係鬱悶,唔得!我要努力成爲一個出色嘅殺手!哈哈... October 16 畢業嘅氣息 這幾天心情怪怪的,畢業論文要開始選題鳥,似乎我已經聞到畢業嘅氣息,不舍,心裏真的很不舍.加上最近每天和新生混在一起,感覺好舒服,係距地身上仿佛看到咗自己以前嘅影子,這四年是過得多麽的快,多麽多的回憶係腦里面...
前排,看到欣平妹妹(現在被新生叫"象嫂"咯XD) 嘅空間的一篇日志,寫著"秋天來了 我的愛情呢?",頓時覺得呢句說話很有感覺,自己問自己"我的愛情呢?"...秋天,係象象最喜愛嘅季節,好喜歡穿住外套,聽住歌,插住衫袋,係微微嘅秋風中行,不問世事咁行,突然又好想去旅遊,出去走走看看,發覺這是心情看開嘅好方法...秋天,該是戀愛嘅季節... October 11 北京.A funny place... 其實7號已經由北京翻咗來咯,不過一直好忙好多作業,所以現在先得閑上來更新下...
北京,真係一個好特別嘅地方,係周圍妳都可以充分感受到社會主義的偉大,到處可以係LCD液晶屏見到用紅底黃字打住"堅定不移走社會主義道路"嘅大標語,仲有周圍都有奧運果五隻"可愛"嘅福娃XD,仲有見到D公車司機可以拿車內的喇叭向車外發聲"別擋路",仲有係天安門廣場隔離嘅公共WC厠格竟然冇門,入去之後看到連續20嘅有人但冇門嘅厠格,可想場面幾咁壯觀,換來嘅解釋竟然係"因爲它是免費的",真係暈><'...真係新奇,這不就係旅行嘅吸引之處麽?!...
北京,當我去之前,朋友都叮囑我現在那邊很多人要小心什麽的,但去到却完全沒有這種感覺,住的酒店也是二環,簡直就係爽死鳥...在北京四晚都是住同一間酒店,所以我晚晚都出去逛了,北京現在嘅天氣係象象最鍾意嘅秋天,穿住件外套,雙耳聽住MP3,雙手插住衫袋,一個人係异地嘅街頭度行,係秋風同夜晚街燈之下,一切都變得好有feel,當時甚至想有一種衝動在北京住下來添,或者是北京太吸引,或者我對廣州這個地方有點傷心,果一刻突然明白點解一峰咁喜歡到處旅行,因爲真係可以令你看開好多嘢...
北京,奧運之後有機會一定要再去一次... October 01 我愛北京天安門... 我愛北京天安門,天安門上太陽升...北京我聽日就來見妳鳥,可惜最氣憤嘅係呢個團竟然係單飛嘎,飛機去火車翻,飛機3個鐘,火車21個鐘,真係鬱悶,更鬱悶嘅係成個團先得14大1小.真係冇曬嘢講.點都好啦.學某人話齋,當免費旅遊咯...據說現在北京爆多人,保佑一切順順利利安安全全才好,六日后回來,啊!,準確來說,應該是疲倦咁回來... September 29 爲小事而開心... 唔知幾時開始,象象變得咁留意身邊嘅事,同爲咗一D小事而開心,今晚又同欣平妹妹吃宵夜,我竟然爲咗商業中心嘅一個廉價美味嘅湯圓糖水而感到超級爆滿足,興奮到依傢都難以停止.相信這是好事吧,好耐都未試過停落來留意下身邊嘅嘢鳥,新生活果然係新生活啊下XD...
另外,今日中午收到廣之旅嘅電話,我猶豫咗好耐先接,因爲真係好累唔多想帶,點知派團嘅靚仔哥哥竟然話比我帶北京六日團,當然,北京嘅魅力將我嘅疲倦壓倒咗.妳贏咗啦,北京!...其實嘛,北京,一直又係自己另一個想去嘅地方,話曬係中國人嘛,點都要去看下嘎,據說北京5晚都係住同一間酒店呢,咁樣晚上米可以自己出去行下咯,今次帶團嘛,主要當係失戀之後嘅散心吧,到處逛逛,放鬆心情... September 26 燈籠節.值得紀念...除咗大一軍訓果年被迫留係學校,之後兩年嘅中秋都有翻屋企過,但係今年嘅中秋我卻自願選擇係學校過.可能已經到咗大四,好多嘢如果唔去賞試嘎話就冇機會咯,不過原來學校嘅中秋都一樣咁好玩.同欣平妹妹.想想師弟吃咗個飯,跟住夜晚就同一班07嘅師弟師妹玩UNO玩到12點,玩得超開心,不過象象好慘,第一盤就輸咗,懲罰係一淡吃一隻月餅,好在個月餅係細只嘎遮,hehe,估唔到今年嘅第一只月餅係咁嘅情况下喫到,鬱悶... 開頭仲以爲今年中秋會過得好悶,好掛住某人而唔開心添,好在有大家陪我,多謝妳地陪我開始屬于象象嘅新生活喔XD...失戀,其實都唔係咁可怕遮XD... September 24 小改變... 今日中午廣州下雨鳥,之後天氣變得非常舒服,好大風好涼爽aaa,也特別適合玩大風吹游戲XD...我下午要早D翻學,翻學前少有咁去樓下喫鳥個腸粉同粥,喫咗碗平時都從來唔會喫嘅猪肝魚腩粥,發現原來都幾好味嘎,小小改變,大大轉換,我唸我正係度開始我嘅新生活... September 22 突然想起... 今晚TVB係度播<大事件>, 一出對我來講幾有印象嘅電影,唔係因爲距拍得幾好,而係距見證咗一個時刻,見證咗3年前嘅2004年6月14日上午,突然好多畫面係我腦度飄過,勾起咗一D回憶.不過突然發現我是在2007年9月22日嘅晚上,我要繼續我嘅新生活XD...
|
|||||||||||||||||||||
Invite as friend
Profile
Blog
Photos
Lists